Drop Down MenusCSS Drop Down MenuPure CSS Dropdown Menu

23 ஆக., 2013

சிகரெட்டும் காதலும்...



விரல்களுக்கிடையில் புகைக்கும்
வெண்சுருட்டைப் போலவே...
என் இதயமும் கருகிச் சிறுக்கிறது!
புகைந்த சாம்பலைப் போல...
என் நினைவுகள் அங்கங்கே
சிதறிக் கிடக்கிறது!


 

எல்லாம் தீர்ந்து...
மூன்றாவது விரல் வந்து
தூக்கி வீசும்வரை...
அதன் போதையிலேயே கிடந்தேன்!
என்றாவது ஒருநாள்...
அது எனைச் சாகடிக்கும்
எனத் தெரிந்திருந்தும்,
அதைத் தாங்கிப்பிடித்திருந்தேன்!


 

நெருப்பும் புகையும் பழகிவிட்டது!
சுட்டாலும் மீண்டும் மீண்டும்
பற்றிக்கொள்ளச் சொல்லுது மனசு!
உள்வந்து செல்லும் புகையோடு
என் பெரு மூச்சுக்களும்

ஒருநாள் அடங்கிப்போகும்!
அதுவரை இருட்டில் இந்த
சிகப்பு வெளிச்சம் துணையிருக்கும்!!!




**** முக்கியகுறிப்பு: சிகரெட் பழக்கம் உடல்நலத்துக்கு மிகவும் கேடானது ****

கருத்துகள் இல்லை:

கருத்துரையிடுக